TMCC新春觀光豪華團(21~23/3)

嘩!超正呀今次呢個旅程 ,比起政府D旅程更勝十倍,我多數出政府旅程, 少跟屬會出,可能因為政府旅程平D啦,但係計番我成個旅程所有洗費(包括阿公食野洗費、自已買野),五百蚊都唔洗,絕對符合我呢D窮等人家,哈哈......但係團長話今次唔夠野人feel(全程有熱水涼沖,以及有靚靚營地,又冇落海捉過魚) 所以改名做新春觀光豪華團,哈...佢都係驚我呢D新人應付唔倒。
我之前都跟過佢地出trip三次,起初我也怕會被D快馬放到尾燈都睇唔到,但原來爬得快既人會等後面嫁,一齊傾一齊爬,感覺到大家無私既精神,團體既溫暖,純真既友誼,感覺一次比一次開心,默契也一次比一次的多,真的感覺到大家唔止係志同道合的一班人,仲係一班異常有默契既兄弟姊妹,成個旅程真係非筆默所型容,如真係非型容不可,我會話......超低能、勁攪笑......全部人都好天真 ...好傻XD
但如果我身邊有朋友話想玩屯門trip,我會叫佢考慮清楚,玩屯門trip有一定既危險性,若不慎撞正呢班人......我問過保險公司喇,扒獨木舟笑死係唔陪嫁XDDDDDDDD

><" 唔好意思呀.....本記錄簿, 要考埋試先有時間整......
希望最後都整得成喇.........