新春環港遊

今日佢地已在赤柱正灘上岸

明教教主 寫到:今日佢地已在赤柱正灘上岸

咁佢地今日去到邊呀.....??

昨天下午四時許，我們已經到達終點站--流浮山天后古廟，
之後晚上北上按摩，直到清晨才回到家。
旅行詳情事後再公佈......不過有件事忍唔住要講一講，
我地在最後一天某處，見到好多好多中華白海豚，
牠們在我地附近嬉戲，引得班女仕們興奮無比，
果然粉紅色的東西都會令她們瘋狂，
而我們也拍下了短片留念。

阿 佘 寫到:昨天下午四時許，我們已經到達終點站--流浮山天后古廟，
之後晚上北上按摩，直到清晨才回到家。
旅行詳情事後再公佈......不過有件事忍唔住要講一講，
我地在最後一天某處，見到好多好多中華白海豚，
牠們在我地附近嬉戲，引得班女仕們興奮無比，
果然粉紅色的東西都會令她們瘋狂，
而我們也拍下了短片留念。

好開心吖~~第一次見到中華白海豚，
見到好多條海豚係我地後面，跟住我地。

小寶 寫到:

阿 佘 寫到:昨天下午四時許，我們已經到達終點站--流浮山天后古廟，
之後晚上北上按摩，直到清晨才回到家。
旅行詳情事後再公佈......不過有件事忍唔住要講一講，
我地在最後一天某處，見到好多好多中華白海豚，
牠們在我地附近嬉戲，引得班女仕們興奮無比，
果然粉紅色的東西都會令她們瘋狂，
而我們也拍下了短片留念。

好開心吖~~第一次見到中華白海豚，
見到好多條海豚係我地後面，跟住我地。

真係好開心嫁~~ 初初見到以為係 d 好大條既魚, 睇真d, 原來係中華白海豚~
仲係咁跟住我地.......搞到我地唔捨得走 ^^

有一條仲走埋黎我艇頭,真係一隻艇位咋..
喺我艇頭轉左兩圈再越出水面,嘩~~~~
我見到佢對眼水汪汪好精靈,勁吸引!!!
粉紅色水漾身驅+深色班點
哈哈..我仲笑佢果D係雀班黎添^O^

麻煩大家有時間的話, 打打大家既感想出黎 ^^

至於格格漫畫, 睇黎要搵 angel 幫手 lu....

財政方面, 要靠佘氏~

領導方面靠牛哥，
交涉方面靠天使，
拍攝方面靠阿de，
煮食方面靠阿進，
記錄方面扉搵錢。
其他吃喝玩樂駛錢方面就交俾我同小寶啦^^

今次旅程既實際路線:



睇睇下, 下次4日都可能完成到 @@

1月29日 (初四) 第1天 天晴
行程 ﹕鹿頸 > 鴨洲 > 東平洲 > 黃茅洲 > 大浪咀 > 大灣 > 咸田灣

早上六時起床收拾裝備，直接穿上下水衣服，於7時15分出門乘巴士往粉嶺鐵路站和其他隊友會合。
與阿進前往麥當奴買早餐途中，碰到吳嘉駿，原來他住在粉嶺。乘小巴在南涌下車，等候牛哥他們
運艇過來，期間大家都爭取時間去廁所。
牛哥致電來說道路有限制，貨車進不了來南涌，所以我們只好再乘小巴往”雞谷樹下”會合。
物資和裝備收進艇艙後，大家拍了團體照，於10時45分在鹿頸出發。由於沙頭角海是禁止進入海域，
我們很擔心會被水警趕回岸，因此大家都全速盡快扒離此水域，期間見到有水警船在駐守，幸好他沒有理會我們，
讓我們順利通過。去到鴨洲附近，終於有快艇來截查我們，但我們已出了禁區，沒甚麼好怕，
全程由牛哥和Angel與他們交流，數分鐘後繼續行程。午餐在吉澳北邊的一個石灘，灘上有很多垃圾，
我們樂此不疲的拾荒，最後給我們抓到一對全新的拖鞋作為戰利品。吉澳往東平洲，無風無浪，太陽很猛烈，
大家都不願出聲，只有小寶和Angel兩人互相談天，還越扒越快，全程帶頭。幸好由東坪洲往黃茅洲時，天空有煙霞，
遮掩了大部份陽光，加上開始轉流，使我們順流而下，速度比預計快，舒減了大家鬱悶的情緒。
到達黃茅洲，牛哥上岸倒水和參觀島上的燈塔，大家則在海上等候。由於天色漸黑，加上體力開始下降，
因此往咸田灣時，速度變得很慢，大家要摸黑扒夜艇。在大浪灣海域碰上水警船，他們發現我們，追問我們人數和目的地，
在得知是近在眼前的沙灘，叮囑我們上岸小心大浪後就放行了。
臨近沙灘準備上岸，發現浪真的很大，勉強登陸會很危險，加上灘上沒有燈光，於是牛哥決定轉向另一個背風的沙灘上岸，
該灘燈火通明，明顯是有士多可以補給。上岸和安記士多的老闆溝通，他很好人，讓我們在他家中的浴室用熱水沖身，
並且提供士多的有蓋空地給我們作營地，使我們可以更好的休息。投桃報李，我們也惠顧了他一些飲料和蔬菜以作感謝。
傾談下發覺溫老闆很投緣，所以大家相約有時間會再來。睡前Angel和阿De為我們提供按摩服務，
聰明的小寶和我立即纏住Angel不放，加時加時再加時，到她雙臂無力才放她回去休息。在旁馮探員和阿De的營帳內，
不時傳出淒厲的慘叫聲，讓我們明白帶眼識人的重要。

搵錢 寫到:睇睇下, 下次4日都可能完成到 @@

下年新年攪多個香港4日團...
day1:鹿頸>>東坪洲>>咸田灣
day2:咸田灣>>果洲>>蒲台>>南丫島
day3:南丫島>>索古>>大澳
day4:大澳>>沙洲>>流浮山

Angel 寫到:

搵錢 寫到:睇睇下, 下次4日都可能完成到 @@

下年新年攪多個香港4日團...
day1:鹿頸>>東坪洲>>咸田灣
day2:咸田灣>>果洲>>蒲台>>南丫島
day3:南丫島>>索古>>大澳
day4:大澳>>沙洲>>流浮山

希望下年都黎到啦.....真係一個 sm 既大挑戰.....

玩完病到依家......
仲得了一個嚴重架後遺症...
病名叫:遺忘症
HA~所以唔好要我諗發生過D咩事...
唔想打字....!

de 寫到:玩完病到依家......
仲得了一個嚴重架後遺症...
病名叫:遺忘症
HA~所以唔好要我諗發生過D咩事...
唔想打字....!

de 想第一個欠交功課??

身體好番d未呀?? 小心保重呀~~

Day 1 : (10:30~19:00)
鹿頸出發,嘻嘻..成功逃過水警的耳目,待水警發現時我們已逃離禁區了...呵呵
接着扒了一小時多便到了lunch時間,懶洋洋嘅我地當然搵個地方開餐先啦,
點知一開就個幾鐘喇,點解?全因吉澳島上發現咗好多寶物,我仲竟然執到對全新拖鞋添呀 ^.^v
睇睇錶..弊!冇時間!仲要去東坪洲...此時立即有人動議要刪除東坪洲,直扒往西貢,
經過我同小寶強列反對後...最後以4:3票決定去埋東坪洲,呵呵~
直奔東坪洲後已經4點喇,完全冇時間再比我地再作任何休息,好彩東坪洲都去完冇耐,
記憶猶新,影小d相都冇所謂,反正要留番d記憶體去探索未曾踏足之地,
結果,在微微頂風頂流之下,不停死扒爛扒,1800到達西貢大浪灣,
喺一眾隊友未決定去邊個灘camping時,我已急不及待在海上開餐先喇,
嘻嘻..最後成功找到咸田灣5星級士多,呢晚,所有家務都唔洗我做..原來有代價架...

Day 2 : (10:45~19:24)
昨晚個個喊攰,攪到我 & de呢兩個隨團軍醫1:30先訓,總算佢地有良心,最後一刻先叫醒我,
離開5星級士多後,徐徐順水直奔果洲羣島,其間仲穿埋西貢唯一冇穿過嘅洞添,真係意外收獲 ^^
懶開嘅我地又係扒粒零鐘又到開餐時間,今次呢個不知名石灘我地叫佢做"雞勒比海",
係一個唔錯嘅小島,因為火雞姐執左唔小家私黎作lunch用,enjoy得滯...又食粒幾鐘,
果洲羣島嘅六角柱石好特別,近睇似包薯條,遠睇似舊飯團,其它島較小呢類六角柱石,
其後直指橫瀾島,橫瀾別有一番難用筆墨形容嘅風味呢~對面就是蒲台,很近呢!
由於我傻梗梗的關係,把蒲台碼頭記錯為西至北,固走來走去也找不到,
最終停靠赤柱正灘,正所謂在家靠父母,出外就梗係靠朋友啦...
呵呵~肥仔邦呢次慘喇,鬼叫佢係我朋友,仲要住果頭,
一上岸二話不說即刻call增援,要求熱水沖涼,並報告我地情況,
原定一眾上佢家扎營,但有良知的我們又怎會要朋友第日忙於清潔呢~
肥仔邦廚神上身幫我地加料,一個字"正"!

Day 3 : (10:45~17:00)
早上有點風,看有4級以上,正灘救生員朋友不忙為我們送上牛皮膠布及膠袋等必須物資表示支持,
謝過救生員大哥後,原定直指南丫島的計劃被牛哥否決,示意直指另一島嶼,並誤以為該島為大嶼山,
後來覺得唔妥,再問問其它漁船始知我們指向嘅島名叫"貴山"(大陸),
並告知我們不遠已是出了香港水域,嚇得我地90度直指南丫島回港,此時始知此島因何而命名,
又用了一個多小時lunch,今次可以懶了,因為目的地長洲很近呢,
到了長洲,立即租下渡假屋嘆嘆熱水浴,浴後原來牛哥已訂了海鮮晚宴呢...豪嘆~正~

Day 4 : (11:00~18:00)
早上嘆茶樂而忘返,行程又遲喇!冇所謂啦~因為都已經到咗大家都識路嘅大嶼山水域喇,
更何況..日日都遲2粒鐘架啦 XD 懶洋洋點都開心d嘅..
一出東灣,轉往大嶼山走...感覺份外親切,戒毒所那邊,竟然發現一個大石蓬形成的高長山洞,
石蓬下山洞前有一個小沙灘,夏天一定正爆,爽呀!如果唔係扒香港最外圍島嶼一圈我一定唔會發現,
反而祈待已久嘅索古羣島就平平無奇,今次最勤力了,2:30先於分流古廟lunch,仲要成4:00先肯走,
不過...預咗啦~每蓬時間充裕嘅時候大家就發揮hea嘅本色,
6:00上岸時,仲幸得熱心居民供熱水沖涼添,大澳候王古廟更開燈借地及送上代表祝福的糕點及水果,
親切的居民更令是次旅程錦上添花呢~

Day 5 : (10:45~16:00)
在居民的送別後,隨即便欣喜若狂,全因對開海面見有大魚跳出,細看,那大魚向上直跳直落,機乎全條露出..
嘩!係中華白海豚呀!!!追~....呢段嘅時速,我好肯定一定超越平時嘅比賽嘅速度,
因眼前並非一條,係一羣上完又一羣,場面震撼,眾人萬般興奮,可能我地太嘈,魚羣都嚇親,
唯有後悔掛住睇冇影相,失望地扒往沙洲,誰知,沙洲仲多過大澳,而且佢地嘅舞姿係唔同架,
沙洲果d係悠閒慢速海豚跳,同大澳快速直上直落跳係兩回事,當然,lunch一定喺沙洲啦,
不過今次嘅lunch梗係快手啦,個個都想落水追海豚嘛,追到2:00,決定要走喇,
不然..環港遊就要行7日plan喇,海豚都送我地去到龍鼓洲先走,因有兩隻海豚一直死追住我地艇尾唔放,
冇中華白魚伴行嘅路..特別難行.....番流浮山呢段,係全個旅程最辛苦嘅一段,
無風無浪無心機...."萬般帶不走,唯有艇隨身"最啱型容呢段路了....
苦扒2小時...終於到終點喇.....唔知點解,連呢度都有居民support我地,
借出洗手間及大淡水喉供我地洗腳洗艇,真係感激感激~

~5日新春行大運,日日出路遇貴人~
熱水沖涼,無驚無險,陽光普照,順風順水,豐衣足食,貴人扶持,海豚相伴....
從未諗過呢個trip有如此幸福,予意大家新一年擁有一個美好嘅開始,good lucky my friend~

特別鳴謝(排名不分先後) :
*咸田灣文記士多老闆
*赤柱肥仔邦
*南邊璄漁船
*長洲楊哥
*大澳居民
*大澳侯王廟
*流浮山廟

係安記士多...


大澳
好似係陳生陳太
仲有借出熱水爐架XX號屋!

de 寫到:係安記士多...


大澳
好似係陳生陳太
仲有借出熱水爐架XX號屋!

安記士多 << 對呀
大澳個度既廟祝係陳太陳太
借出熱水爐既係莊生莊太
流浮山既好人伯伯叫德叔

好野~證明我記性唔差...
D人名都記得9成..
係唔記得流浮山個德叔名...
莊生莊太都記得..不過唔記得門號..好似7X定8X!

de 寫到:好野~證明我記性唔差...
D人名都記得9成..
係唔記得流浮山個德叔名...
莊生莊太都記得..不過唔記得門號..好似7X定8X!

妳地d記性真係好勁吖~
我而家都唔記得去過邊啦><"
何況d人叫乜名...

新春環港遊

第一日
鹿頸 > 東平洲 > 咸田灣
第二日
咸田灣 > 果洲 > 蒲台島>赤柱正灘
第三日
赤柱正灘> 南丫島 > 長洲
第四日
長洲 > 索罟群島 > 大澳
第五日
大澳 > 沙洲 > 流浮山



ANGEL好寫野去投稿....

本欄歡迎各體育會會員投稿，與讀者分享參與體育運動的經驗和樂趣；以及在閒餘時間參與推動運動的意見和體會。
來稿請以中文書寫，字數以400字為限，歡迎附上有關相片，並請附上姓名、聯絡電話及所屬體育會名稱，郵寄或傳真（號碼：2697 4220）回香港沙田排頭街1-3號康文署總部3樓社區體育會小組。信封面敬請註明「活力新一代 ─ 投稿」。

客務熱線電話：2414 5555 網址：www.lcsd.gov.hk
圖文傳真：2697 4220 電子郵件：enquiries@lcsd.gov.hk

剛接觸獨木舟運動的朋友可能只對技術訓練課程和短途旅程有所認識。但你有否想過將旅程變成一項大挑戰? 記得我第一次籌辦獨木舟長途旅程是在2005年1月，我和隊友剛考獲獨木舟教練證書，所以計劃進行一次海上大挑戰。挑戰地點正是我們經常練習獨木舟的對面海域。我們這次旅程主要環繞大嶼山，是從來沒有人嘗試過的。 2005年3月，我們8男1女共9人在位於東涌的「油麻地碼頭」出發，挑戰未曾划過的海域。驚濤駭浪並未能動搖大家前進的決心。3日2夜的旅程雖然辛苦，但得到的滿足感卻非筆墨所能形容。 才半年多，我們在第二次獨木舟長途旅程中又相聚了。2005年11月，我們進行了3日2夜的西貢東灣之旅。由於我們在上次大嶼山之旅帶了過多物資，所以我們這次計劃在野外求生，只帶備了水、米、臘腸和少量乾糧。不過，我們在沿岸放網及潛水捕捉海產，「加」倒不是問題。東灣的風景很美，但缺乏水源。在食水不足的情況之下，我們只能懷依依不捨的心情離開。在這次旅程，東灣夜潛的豐富收穫固然令人回味，用海水洗澡的滋味也夠難忘，總之就是不枉此行。

大家出完今次旅程, 想有咩金句加入本野度??

等大家可以笑下, 懷念下~

例如: 流星, 殞石...都得嫁.....XD.....

牛哥之前瘦好多wor，
唔通入左屯門之後大飲大食左?

小寶 寫到:牛哥之前瘦好多wor，
唔通入左屯門之後大飲大食左?

我想問...有冇人入左屯門之後會瘦架?